Դեմքի սկրաբ

Բաղադրությունը

1 թեյի գդալ սոդա

1-2 թեյի գդալ բազային յուղ

1-2 կաթիլ ցանկացած եթերային յուղ

  

Պատրաստման և օգտագործման կարգը

Այս ամենը խառնել իրար և մերսման շարժումներով քսել դեմքին և լվանալ: Հիանալի մաքրում է մաշկը և սպիտակացնում այն:

Ինչպես սուրճից պատրաստել դեմքի սկրաբ տան պայմաններում

Սկրաբ կաթնաշոռով

1 ճաշի գդալ սուրճի մրուր

1 ճաշի գդալ յուղոտ կաթնաշոռ

Թեթև մերսեք մաշկը սկրաբի օգնությամբ, թողնել 5-10 րոպե: Լվանալ ջրով: Այս դիմակը կարող են օգտագործել ցանկացած տեսակ մաշկ ունեցողները, բացի յուղոտ մաշկի տեր մարդիկ:

Սկրաբ շաքարավազով և յուղով

1 ճաշի գդալ սուրճի մրուր

1 թեյի գդալ մուգ Շաքարավազ

1 ճաշի գդալ ցանկացած բազային յուղ

մի պտղունց դարչին և աղ

Քսել դեմքին մերսող շարժումներով, թողնել 10 րոպե և լվանալ: Այս դիմակը շատ լավ մաքրում է դեմքը:

Սկրաբ ընկույզով

1 ճաշի գդալ մանրացրած ընկույզ

1 թեյի գդալ սուրճի մրուր

Օգտագործել նույն կերպ ինչպես նախորդները: Այս դիմակը վերացնում է մաշկի հոգնածությունն ու թոշնածությունը:

Սկրաբ մրգային խյուսով

1 ճաշի գդալ խաղողի, խնձորի կամ այլ մրգի խյուս
1 թեյի գդալ սուրճի մրուր

Այս դիմակ հիանալի է յուղոտ մաշկ ունեցողների համար:

Սկրաբ օվսյանկայի փաթիլներից

1 ճաշի գդալ օվսյանկայի մանրացրած փաթիլներ

1 թեյի գդալ սուրճի մրուր

1 թեյի գդալ յոգուրտ, թթվասեր կամ սերուցք-կաված մաշկից

Քսել դիմակը, և մերսել մաշկը 1-2 րոպե անց լվանալ:

• 
  

Ինչպես սուրճից պատրաստել մարմնի սկրաբ տան պայմաններում

   Նախ ներկայացնեմ սուրճի օգտակարությունը: Սուրճն ունի երիտասարդացնելու հատկություն, այն սնուցում է մաշկը և հաճելի թարմություն հաղորդում նրան:
   Սուրճն իր պատմության մեջ շատ փորձությունների է ենթարկվել: Սկզբում ամեն կերպ ցանկանում էին հանել այն գործածությունից, այնուհետև այն որպես մրցանակ էին տալիս, սկսեցին երգեր գրվել դրա մասին: Այն անգամ սկսեցին օգտագործել կոսմետոլոգիայի բնագավառում: Այս հրաշագործ ըմպելիքը էներգիայով է ապահովում ոչ միայն մեզ: Սուրճը տան պայմաններում պիլինգի ամենատարածված տարբերակներից է: Դրա մանր կտորները մաքրում են մահացած մաշկը և լավացնում արյան շրջանառությունը:

Սուրճի սկրաբ պատրաստելու պայմանները

• Օգտագործել բնական սուրճ, ցանկալի է մանր և միջին մեծության աղացած: Շատ      մեծ աղացածները կարող են վնասել ոչ միայն դեմքի մաշկը, այլ նաև փորի և ազդրերի մաշկը:
• Չօգտագործեք լուծվող սուրճ, դրանից օգուտը շատ չնչին է: Դրանցից շատերը կարող են մաշկին թեթև արևայրուքի երանգ հաղորդել, սակայն ռիսկը մեծ է, որ այն հավասար չի լինի:
• Ցանկացած սուրճով սկրաբի մեջ անպայման պետք է լինի մի բաղադրիչ, որը կփափկեցնի մաշկը, օրինակ բազային յուղեր՝ զեյթունի ձեթ, արգանի յուղ, դեղձի յուղ և այլն:
• Ցանկացած ինքնուրույն պատրաստած միջոց պետք է փորձել և համոզվել, որ ալերգիկ երևությներ չեն լինի: Հատկապես դա վերաբերում է այնպիսի սկրաբերին, որոնք պարունակում են մեղր և եթերային յուղեր:

Սուրճի սկրաբեր մարմնի համար

    Ամենահեշտ միջոցներից է սուրճը խառնել ցանկացած բազային յուղի, լոսյոնի կամ մարմնի կրեմի հետ: Կարելի է ավելացնել մի պտղունց դարչին: Դարչինը կտաքացնի մաշկը սկրաբը քսելու ժամանակ և ավելի էֆֆեկտիվ կլինի, մարմնին հաճելի բույր կհաղորդի:

    Սուրճը կարող եք խառնել մարմնի գելերի հետ և այդպես օգտագորրծեք: Այս դեպքում նախընտրելի է, որպեսզի գելը լինի վանիլի, շոկոլադի բույրերով: 

Դիմակ մազերին փայլ հաղորդելու համար

     Իմ ընթերցողները գիտեն, որ ես այս դիմակների մեծ մասն անում եմ, նոր կիսվում եմ փորձով: Այսօր որոշեցի հերթական դիմակը ներկայացնել ձեզ ու այս անգամ իմ անձնական նկարներով, հուսով եմ ձեզ կհետաքրքրի:

Բաղադրություն

Կոկոսի յուղ -1 ճաշի դալ

Լավանդայի եթերային յուղ - 5-10 կաթիլ

Խնձորի քացախ

Պատրաստման և օգտագործման կարգը

     Կոկոսի յուղին խառնել լավանդայի եթերային յուղը և քսել մաքուր, մի քիչ խոնավ մազերին՝ ողջ երկայնքով: Ծածակել պոլիէթիլենային տոպրակով և տաք սրբիչով: Թողնել 30 րոպե և լվանալ: Քացախը խառնել ջրի հետ 1:5 սուրճի բաժակ և ցայել վարսերը լվանալուց հետո:

     Կոկոսի յուղը շքեղ փայլ է հաղորդում մազերին, լավանդան ամրեցնում և վերականգնում է դրանք: Քացախը նույնպես փայլ հաղորդելու համար է:

Արդյունքը

Դիմակ բարակ, բաց գույնի ներկած մազերի համար

Բաղադրություն

1 բանան
5-10 կաթիլ կտավատի ձեթ կամ զեյթունի ձեթ

Պատրաստման և օգտագործման կարգը

  Բանանը խյուսի վերածել, ավելացնել 5-10 կաթիլ կտավատի ձեթ կամ զեյթունի ձեթ:
Քսել չոր մազերին և թողնել 30 րոպե, այնուհետև լվանալ:
  Այս դիմակն ամրացնում  է մազերը, խոչընդոտում է ծայրերի ճյուղավորվելը, սնուցում մազարմատները:

Դիմակ գունաբացած մազերի համար

Բաղադրություն

 1 ճաշի գդալ կռատուկի ձեթ
 1 թեյի գդալ ալոեի հյութ
 1 ճաշի գդալ մեղր
 Եղինջի թուրմ ըստ ցանկության

Պատրաստման և օգտագործման կարգը

    Մեղրը փոքր ինչ տաքացնել, ավելացնել ալոեն և կռատուկի ձեթը: Լավ խառնել:
Քսել մազարմատներին և տարածել ողջ երկայքով: Թողնել 30-40 րոպե:Լվանալ, վերջում ցայել եղինջի թուրմով:
  Արդյունքի հասնելու համար այս դիմակը պետք է անել 2 ամիս, իսկ պրոֆիլակտիկայի դեպքում շաբաթը մեկ անգամ կամ 2 շաբաթը մեկ: Բուժելու նպատակով՝ շաբաթը 2 անգամ:
 Առողջ և ամուր վարսերը երաշխավորվում է: