Կոկոսի յուղ և ամեն ինչ նրա մասին

    Ողջույն հարգելի ընթերցողներ: Կներեք, որ վաղուց նոր օգտակար բաղադրատոմսեր չեմ գրում: Սակայն այժմ ես նորից ձեզ հետ եմ և այս անգամ կաշխատեմ երկար չբացակայել:
   Իմ բլոգը կարդացողները գիտեն, որ ես հիմնականում կենտրոնացած եմ մազերի դիմակների վրա, այն էլ յուղերի օգնությամբ: Բազմաթիվ արտասահմանցի գեղեցկության բլոգերներից լսել էի կոկոսի յուղի մասին, նրա հրաշագործությունների մասին, սակայն ոչ մի կերպ չէի կարողանում գտնել այն: Հայաստանում ուղղակի գոյություն չունի, կամ ես եմ վատ փնտրել (ինչում կասկածում եմ :) ) Ես գտա մի կայք, որտեղ վաճառվում են միմիայն օրգանական ապրանքներ` www.iherb.com: Ասեմ բավականին մատչելի գներով կայք է և նրա մասին իրոք շատ է խոսվում: Սակայն ես կոկսի յուղն այնտեղից չեմ ձեռք բերել, այն ինձ է հասել ԱՄՆ-ից իմ ընկերուհու շնորհիվ :)
 
Նախ համառոտ ներկայացնեմ նրա յուրահատկությունները`
    Կոկոսի յուղը նախատեսված է մազերին գեղեցկություն և ամրություն հաղորդելու համար: Իր խտության հաշվին այն թույլ է տալիս մազերին չկորցնել սպիտակուցները, որ հիմնականում հարուստ է կոկոսի յուղը: Այն շատ հեշտ է օգտագործել, ուղղակի մազերի արմատներից մինչև ծայրերը քսել կոկոսի յուղ և թողնել 1 ժամ, կարող եք ավելի երկար: Կոկոսի յուղը պաշտշանում է մազերը մեխանիկական և քիմիական ազդեցություններից:
  Հ.Գ. Ահա այն կոկոսի յուղը, որն օգտագործում եմ ես http://ru.iherb.com/nature-s-way-efagold-coconut-oil-organic-16-oz/4567http://ru.iherb.com/nature-s-way-efagold-coconut-oil-organic-16-oz/4567

Читайте подробнее на Passion.ruhttp://beauty.passion.ru/volosy/ukhod-za-volosami/kokosovoe-maslo-dlya-volos.htm

Հեշտ և արագ դիմակներ մազերի համար

1. Արագ դիմակ մազերի համար

Այս դիմակը նախատեսված է բոլոր տիպի մազերի համար: Անհրաժեշտ է բուսական և աբլեպիխայի յուղ 1:9 հարաբերությամբ:

Եվս մեկ դիմակ. 2 ճաշի գդալ խիտ կեֆիր, 1 ճաշի գդալ կիտրոնի հյութ, 1 ձվի դեղնուց և 1 թեյի գդալ կոկոսի յուղ: Դեղնուցը խառնել կեֆիրի հետ, ավելացնել կիտրոնի հյութը, կոկոսի յուղը: Քսել չոր մազերին: 15-30 րոպե անց լվանալ: 

2. Դիմակ մազերի աճի համար

Այս դիմակը նույնպես նախատեսված է բոլոր տիպի մազերի համար: Բանանը խառնել դեղնուցի հետ: Ստացված խյուսը քսել մազարմատներին և պահել 20 րոպե: 

Դիմակ-Լիֆտինգ տան պայմաններում

Բավականին հեշտ և բոլորին հասանելի դիմակ-լիֆտինգ, որը շատ տեղին է ամառվա այս օրերին: Այն պետք է անել շաբաթը մեկ անգամ: Դրա համար մեզ հարկավոր է`

•  խնձոր
• մեղր
• զեյթունի կամ բուսական ձեթ

Խնձորն անցկացնել մանր քերիչով, շատ հարկավոր չէ, մոտավորապես 1-2 թեյի գդալ, ավելացնել 1 թեյի գդալ մեղր և ձեթը, այս ամենը լավ խառնել և քսել դեմքին: Թողնել 20 րոպե և լվանալ գոլ ջրով:

Կոճապղպեղով դիմակ դեմքի համար

    Կոճապղպեղ, նույն ինքը իմբիր: Այս հրաշագործ համեմունքը կզարմացնի ձեզ իր բազմաօգտակարությամբ: Կոճապղպեղի հիմնական հարստությունը հոտավետ, այրող համ ունեցող արմատն է։ Կոճապղպեղը բազմամյա բույս է։ Հայրենիքն է` Հարավ-Արեւելյան Ասիան։ Պարզվում է, եթե կանայք սկսեն ուսումնասիրել համեմունքների ցանկը, ապա կարող են իրենց կողակցին, զուգընկերոջը սիրային խաղերին մղելու հարցում լուրջ արդյունքների հասնել:Կոճապղպեղի հրաշագործությունների մասին վաղուց է հայտնի: Օրինակ, 19-րդ դարի բժիշկները ստեղծել են այդ արմատով պատրաստված «հարեմի սառնաշաքար», որի միջոցով ազնվազարմ կանայք հեշտությամբ գայթակղում էին ցանկացած տղամարդու: Իսկ պորտուգալացիները դրանով պատրաստված ուտեստներն օգտագործել են իրենց ստրուկների ակտիվ բեղմնավորման եւ բազմացման համար: Ճապոնացիներն էլ, տղամարդուն նվիրված տոնի առթիվ, իրենց ճաշացանկում անպայման կոճապղպեղով որեւէ ուտեստ են պատրաստում, քանի որ այն ասոցացվում է սեքսուալ տղամարդու հետ:
   Բույսի արմատը վաճառվում է կտրատած, աղացած, շաքարապատ կամ շոկոլադապատ ձեւով, նաեւ գարեջրի համար նախատեսված էքստրակտի ձեւով։ Մանր աղացած արմատը կիրառում են քաղցրավենիքների, ապուրների, մսային եւ ձկնային ուտեստների մեջ։ Կոճապղպեղը հարուստ է եթերային յուղերով, տանինով, բջջանյութով, օսլայով, ազոտային միացություններով։ Կոճապղպեղը պարունակում է վիտամիններ՝ C, B1, B2, ենթավիտամին A, միկրոտարրեր (նատրիում, կալիում, մագնիում, ֆոսֆոր, կալցիում, երկաթ, ցինկ)։ Կարեւոր ամինաթթուներ (վալին, ֆենիլանին, մետիոնին, լեյզին, տրեոնին, տրիպտոֆան)։Կոճապղպեղի թեյը նպաստում է ստամոքսահյութի արտադրմանը, ունի ցավամոքիչ հատկություն, որի հետեւանքով լավացնում է մարսողությունը, հանգստացնում որովայնի ցավերը, լավացնում նյութափոխանակությունը, արյան շրջանառությունը, օգտակար է նաեւ շնչառական ուղիներին։
Դե ինչ եկեք եզրակացություն անեն, նման վիտամիններով հարուստ բույսը հրաշալի է նաև մեր մազերի ու դեմքի համար: Այն հիանալիորեն ձգում է մաշկը, երիտասարդացնում այն, իսկ երկար ու թավ վարսեր ունենալու համար, այլ տարբերակ հարկավոր չէ: Ահա դիմակներից մեկը`

Բաղադրություն`
Բանան - 1 հատ
Խնձոր - 1 հատ
Կոճապղպեղ - 1 հատ
Զեյթունի ձեթ - 1 թեյի գդալ

1 հատ կոճապղպեղը անցկացնել մանր  քերիչով, հասած բանանը 3սմ չափով տրորել, 1 հատ խնձորն անցկացնել մանր քերիչով: Այս ամենը խառնել իրար և ավելացնել 1 թեյի գդալ կոճապղպեղի հյութ: Լավ խառնել և քսել դեմքին: 20 րոպե անց լվանալ: Այս դիմակը հիանալի սնուցում է մաշկը, վերացնում հոգնածությունը, հաղորդում է մաշկին հիանալի գույն, հանգստություն, բարձրացնում է տոնուսը: 1 ամիս շաբաթական 1 անգամ օգտագործելուց հետո դուք կտեսնեք արդյունքը: Բացեմ ևս մեկ գաղտնիք.եթե այս դիմակը քսեք մազարմատներին, ապա դուք կունենաք խիտ, փայլուն, առողջ վարսեր, այն խթանում է մազերի արագ աճին:
ՀԻՇԵՑՈՒՄ. Նախքան դիմակն օգտագործելը կոճապղպեղի հյութը մի քիչ քսել դաստակին, սպասել 15 րոպե, եթե ալերգիկ կարմրություն չառաջանա, ուրեմն կարող եք հանգիստ օգտագործել: Կոճապղպեղն ունի թեթև այրող ու սառեցնող հատկություն, դա ալերգիային չի վերաբերում:

5 լավագույն դիմակները մազերի համար

1. Մազաթափության դեմ դիմակ
1 գդալ հնդյուղ (касторовое масло)
1 գդալ սոխի հյութ
1 գդալ կալենդուլայի յուղ
1 գդալ բիբարի հեղուկ
1 գդալ մեղր
1 գդալ կոնյակ
1 դեղնուց
 Գդալի չափսը կախված է մազերի խտությունից: Քսել մազարմատներին, հագնել գլխարկ և մոտ 1 ժամ թողնել: 

2.Հրաշք շամպուն
Կցանկանայի կիսվել խիտ, փայլող, գեղեցիկ մազերի գաղտնիքով: 10 կոճակ մումիոն ավելացնել շամպունի մեջ: Այն կմգանա: Երբ կլվանաք մազերը, շամպունը քսել և թողել 3-5 րոպե, որպեսզի մումիեն սկսի գործել: Մումիոն վաճառում են ցանկացած դեղատանը, այն օրգանական և անօրգանական նյութերի համադրություն է, որոնք հավաքվում են սարերի ճեղքերից:


3.Մազերը առողջ տեսք են ստանում, հարթ և լավ ուղղում է:
1 թեյի գդալ քացախը, խառնել 1 թեյի գդալ գլիցերինի հետ լավ խառնել: Այնուհետև ավելացնել հարած ձու, 2 թեյի գդալ հնդյուղ (касторовое масло): Այս մասսան քսել մազերի ողջ երկայնքով, ծածկել գլուխը պոլիէթիլենային տոպրակով և թողնել 2 ժամ: Այս դիմակը պետք է անել շաբաթական 2 անգամ 1 ամսով: Այնուհետև պրոֆիլակտիկայի համար կարող եք այս դիմակն անել 2 շաբաթը մեկ անգամ:
4.Խտացնող դիմակ
Վերցնել 2 թեյի գդալ թթխմոր ( дрожь), լցնել կաթ կամ ջուր և թողնել մեկ ժամ, որպեսզի հասունանա: Այնուհետև վերցնել 2-3 ճաշի գդալ մեղր, 0.5 բաժակ կեֆիր և լավ խառնել: Այս երեք բաղադրիչներից պատրաստված դիմակը քսել մազարմատներին և մազերի ողջ երկայնքով, ծածկել պոլիէթիլենային տոպրակով և թաք սրբիչով: Պահել մոտ մեկ ժամ:
5.Դիմակ ալոեի հյութով և կոնյակով
Հարկավոր է ալոեի հյութ, կոնյակ, մեղր և մեկ ձվի դեղնուց հավասար քանակությամբ: Լավ խառնել բաղադրիչները մինչև ստացվի համասեռ զանգված և քսել թաց մազերի ողջ երկայնքով: Ծածկել պոլիէթիլենային տոպրակով և թաք սրբիչով: Պահել մոտ մեկ ժամ:

Ծիրանով դիմակներ դեմքի համար

Ամառ, շոգ, արև և մեծ քանակությամբ մրգեր: Ինչպես մեր մազերը, այնպես էլ մեր դեմքը միշտ կարիք ունեն խնամքի, հատկապես ամռանը և ձմռանը, երբ եղանակը կտրուկ տաքանում է և սառում: Այսօր կներկայացնեմ ձեզ մեր ազգային ամենահամեղ մրգի հրաշագործությունները:

ԾԻՐԱՆ- պարունակում է

• վիտամին В - В1, В2, В6
•  վիտամին С- թարմ պտուղների մեջ 10%
•  վիտամին Р և РР 

1. Ծիրան + մեղր

     Այս դիմակը լավացնում է մաշկի գույնը: Վերցնել 1 հատ հասած ծիրան, պատառաքաղի օգնությամբ      տրորել և ավելացնել 1 թեյի գդալ մեղր ու լավ խառնել: Քսել երեսին 15 րոպե և լվանալ սառը ջրով:

2. Ծիրանի եթերային յուղ նորմալ մաշկի համար

     1 բաժակ կաթը, 1 թեյի գդալ մեղրը, 1/2 բաժակ կոսմետիկ կավը և 1 թեյի գդալ ծիրանը եթերային յուղը խառնել իրար մինչև ստացվի համասեռ զանգված: Քսել դեմքին խուսափելով աչքերի հատվածից: 15 րոպե անց լվանալ սառը ջրով:

3. Ծիրանի դիմակ չոր մաշկի համար

    Քերիչի կամ բլենդերի օգնությամբ մանրացնել ծիրանը: Վերցնել այնքան ծիրան, որպեսզի ստացվի 2/3 բաժակ պյուրե: Ավելացնել 1/3 բաժակ նարինջի հյութ և 1 թեյի գդալ մեղր: Ստացված դիմակը թողնելդեմքին 20 րոպե:

4.Ծիրան + գազար յուղոտ մաշկի համար

   2 միջին չափսի գազարը եփել և թողնել որպեսզի սառչի: Այնուհետև գազարը մանրացնել, ավելացնել մանրացրած ծիրանը, 3 ճաշի գդալ մեղրը և 2 ճաշի գդալ յոգուրտ: Բոլորը խառնել իրար և քսել դեմքին: 15-20 րոպե անց լվանալ սառը ջրով: 

5. Ծիրանի դիմակ մազերի աճի դեմ

1 հատ ծիրանի խյուսին ավելացնել 1 ճաշի գդալ բուսական յուղ: Լավ խառնել և քսել դեմքին: 10 րոպե անց լվանալ տաք ջրով: Հաճախակի օգտագործման դեպքում մազերի աճը դեմքի վրա դանդաղում է և դառնում բաց գույն:

Մազերի լամինացիա տան պայմաններում

     Ինչու ծախսել ահռելի գումարներ, եթե կարող եք այդ ամենը անել տան պայմաններում: Մազերի լամինացիան շատ տարածված է աշխարհում, այն մազերին հաղորդում է փայլ ամրություն, սակայն բացի գեղեցկության սրահներ այցելելուց, կարող եք այն անել տանը: Այսօր կներկայացնեմ 2 տեսակի դիմակ:
    Ձեզ հարկավոր է ժելատին, բիո կամ մանկական շամպուն և բալզամ: Այսպես`
1.5 ճաշի գդալ ժելատինը լուծել 8-10 ճաշի գդալ տաք ջրում, բայց ոչ եռացող: 7-10 րոպեում այն կլուծվի և կվերանան գնդիկները: Չթողնել ավելի երկար , քանի որ ժելատինը կվերածվի ժելեի: Ժելատինը բաժանել երկու հավասար մասերի: Առաջին ժելատինով տարայի մեջ լցնել շամպուն 1:1: Այս զանգվածը խառնել իրար և մազերը լվանալուց առաջ քսել ողջ երկայնքով: Արմատներին պարտադիր չէ քսել: Թողնել 40 րոպե գլուխը ծածկել պոլիէթիլենային տոպրակով և սրբիչով: 40 րոպե անց լվանալ մազերը, բայց արդեն առանց շամպունի, քանի որ դիմակի մեջ առկա շամպունը կփրփրի և կմաքրի մազերը:
    Մինչ մազերը չորանում են պատրաստում ենք հաջորդ դիմակը: Մնացած շելատինին ավելացնում ենք բալզամ նույն քանակությամբ, կարող եք ավելացնել 4-5 կաթիլ եթերային յուղ` ավոկադո, նուշ, նարինջ և այլն: Այս զանգվածը քսել չոր մազերին ողջ երկայնքով, մազարմատներին չի կարելի քսել, քանի որ բոլորս գիտենք, որ բալզամը մազարմատներին վնասում է: Թողնել այս դիմակը 40 րոպեից 2 ժամ: Ծածկել պոլիէթիլենային տոպրակով և սրբիչով: Այս դիմակից հետո մազերը ձեռք են բերում հիանալի փայլ, ամրություն: Դիմակը պետք է օգտագործել 30 օրը մեկ:

Հնդկական դիմակ դեմքի համար

 Հնդիկ կանայք շատ են սիրում խնամել իրենց մաշկը, և ի տարբերություն եվրոպացի կանանց նախընտրում են ամեն ինչ լինի բնական: Օգտագործում են բնության կողմից տրված բոլոր բարիքները: Ահա նրանց խնամքի միջոցներից մեկի բաղադրությունը.

Բաղադրություն
Բանան- 3-4 սմ
Դարչին - 1/4 թեյի գդալ
Կիտրոնի հյութ - 1 թեյի գդալ

3-4սմ հասած բանանը գդալի օգնությամբ տրորել, ստանալ խյուս, ավելացնել 1/4 թեյի գդալ դարչին, 1 թեյի գդալ կիտրոնի հյութ: Լավ խառնել իրար: Բանանը հիանալի սնուցում է դեմքը, փափկացնում այն, դարչինը բոլորս գիտենք, որ հիանալի անտիսեպտիկ հատկություն ունի, այն խթանում է արյան շրջանառությունը, մաշկը սկսում է շնչել: Սակայն մի բան, որ շատ կարևոր է իմանալ դարչինի մասին: Եթե նախկինում չեք օգտագործել դարչինով դիմակներ, ապա նախքան դեմքին քսելը փորձեք այդ դիմակը դաստակի վրա, մի փոքր հատված քսեք և սպասեք 15 րոպե, եթե կարմրություն չլինի ուրեմն կարող եք հանգիստ քսել դեմքին: Ձմռանը այս դիմակին կարելի է ավելացնել 2 թեյի գդալ յուղոտ թթվասեր: Թթվասերը հարթեցնում է մաշկը, բացում է գույնը:
Դիմակը քսել հաստ շերտով ողջ դեմքին, բացառությամբ աչքերի հատվածից, կարելի քսել վերին շրթունքի հատվածին, այն հիանալի ձևով հարթեցնում է կնճիռները: Այս դիմակը կարելի քսել նաև ձեռքերին և պահել 15 րոպե, վերանում է հոգնածությունը, կարմրածությունը և հեռանում են բոլոր մանր կնճիռները: Ցանկալի է այս դիմակը անել երեկոյան, երբ ցրտին տանից դուրս գալու կարիք չի լինի, շաբաթը մեկ անգամ: Իսկ ամռանը կարելի է 2 անգամ:
 Եղեք ԳԵՂԵՑԻԿ :)

Դիմակներ համեմունքներով մազերի և դեմքի համար

Բոլորս գիտենք, որ առանց համեմունքների հնարավոր չէ ստեղծել խոհանոցային գլուխգործոց: Սակայն շատ քչերս տեղյակ ենք, որ այդ հրաշալի համեմունքները կարող են օգնել մեզ մնալ երիտասարդ և գեղեցիկ: Ասիական կանայք ակտիվ կերպով օգտագործում են դրանք մաշկի խնամքի և մազերի  համար: Փորձենք հետևել նրանց օրինակին:

 Քրքում (куркума)

Քրքումը խառնել մեղրի հետ 1:1, քսել դեմքին և թողնել 10-15 րոպե: Այս դիմակն արգելվում է նրանց, ովքեր ալերգիա ունեն մեղրից:

Դեմքի սկրաբ

Սուրճի խյուսին ավելացնել 1 թեյի գդալ զեյթունի ձեթ, մի պտղունց աղ, դարչին և քրքում: Դեմքը տրորել մերսող շարժումներով և լվանալ սառը ջրով: Այս դիմկանը դեմքը մաքրում է թեփոտվածությունից:
 

Դարչին

Դարչինը հանդիսանում է հիանալի անտիսեպտիկ, խթանում է արյան շրջանառությանը և մաքրում է մաշկը:

Մարմնի սկրաբ

Քիչ քանակությամբ զեյթունի ձեթին խառնել 2 թեյի գդալ սև աղացած բիբար, 1 թեյի գդալ աղ, 1 թեյի գդալ դարչին: Մաշկը տրորել մերսող շարժումներով և լվանալ սառը ջրով:

Մազերի դիմակ
2 ճաշի գդալ զեյթունի ձեթը, 2 ճաշի գդալ կեֆիրը, 1 դեղնուցը, 1 թեյի գդալ մեղրը, 1 թեյի գդալ դարչինը խառնել իրար: Դիմակը քսելմազերի և թողնել 20 րոպե: 

Մեխակ

Մեխակը հիանալի միջոց է մազերի ամրացման համար, ունի անտիսեպտիկ հատկություն և հիանալի մաքրում է մաշկը: Մեխակի յուղը կարելի օգտագործել լոգարանում:

Մազերը ամրացնող դիմակ
5 հատիկ մեխակը մանրացնել, խառնել 1 բաժակ սոխի կճեպից պատրաստաց թուրմի մեջ և ավելացնել 1 բաժակ օղի: Մութ վայրում 2 շաբաթ պահել այդ հեղուկը: Ամեն անգամ գլուղը լվանալուց առաջ կես ժամ քսել մազերին, որից հետո լվանալ:

Ատամների սպիտակեցում

3 հատ մեխակը մանրացնել և խառնել նույն քանակի իմբիրի փոշու հետ, խառնել ջրի հետ մինչև մածուկի տեսք ստանա: 3 օր ատամները մաքրել այդ մածուկով:

Լոսյոն կորյակների դեմ

Կես բաժակ ֆիլտրված ջրին խառնել 20 կաթիլ մեխակի յուղ: Ամեն օր մաքրեք դեմքը այդ լոսյոնով:

Մազերի խնամք ամռանը

Ամառային դիմակներ յուղոտ մազերի համար

Ամենաարդյունավետ միջոցը մազերի համար դա շաբաթը երկու անգամ օգտագործել նույն դիմակը: Այն խորապես թափանցում է գլխամաշկ և ավելի արդյունավետ է ազդում մազերի աճին ու սնուցմանը:

Կեֆիրով դիմակ - մեկ բաժակ կեֆիրի մեջ լցնել 2-3 կաթիլ ցանկացած եթերային յուղ: Ցանկալի է, որպեսզի այն լինի ցիտրուսային: Այս դիմակը մազերին հաղորդում է ծավալ և միաժամանակ ծանրացնում դրանք:

Երիցուկով դիմակ - 4 ճաշի գդալ չոր կամ թարմ երիցուկ, 1/4 բաժակ եռացած ջուր, 1 ձվի սպիտակուց: Պատրաստեք երիցուկի թուրմ, իսկ երբ այն սառչի ավելացրեք սպիտակուց: Եթե մազերը բաց գույնի են, ապա բացի խնամքից վարսերը կստանան ոսկեգույն երանգ: Այս դիմակը ամրացնում է մազերը:

Նարինջի դիմակ - 1 նարինջ, 1 ճաշի գդալ մեղր: Նարինջն անցկացրեք քերիչով և խառնեք մեղրի հետ: Ստացված խյուսը քսել թեթև խոնավ մազերին:

Ամառային դիմակներ չոր մազերի համար

Ձվով դիմակ - 1 դեղնուց, 2 ճաշի գդալ բուսական յուղ: Ձուն խառնել յուղի հետ: Մերսող շարժումներով քսեք ստացված զանգվածը գլխամաշկին, ծածկեք գլուխը պոլիէթիլենային տոպրակով: Թողնել 1 ժամ և լվանալ թաք ջրով: 

Յուղերով դիմակ - 2-ական ճաշի գդալ զեյթունի և կռատուկի ձեթ: Այս ամենը խառնել իրար և մերսող շարժումներով քսել գլխամաշկին: Այնուհետև մազերի ողջ երկայնքով սանրի օգնությամբ տարածեք: Սանրեք մազերը 15 րոպե տարբեր ուղղություններով, իսկ հետո լվացեք: 

Թթվասերով և ալոեով դիմակ - 3 ճաշի գդալ յուղոտ թթվասեր, 1 ճաշի գդալ ալոեի հյութ: Դիմակը քսել չոր մազերին և պահել 20 րոպե: Ալոեն ռեկորդակիր է ամենաշատ վիտամիններ պարունակող բույսերի մեջ, որոնք շատ կարևոր են մազերի համար: Երկար օգտագործելու դեպքում կվերականգնվեն մազերը, կամրանան և կդադարեն  թափվել:

Մազերի դիմակ հոլիվուդյան աստղերի կողմից

 Դիմակ սև վարսերի համար Պենելոպա Կրուսի կողմից

Դեղձ կամ մանգո - 1 հատ հասած

Սուրճ - 1 թեյի գդալ

Դաչին - 1 թեյի գդալ

Լորի ձու - 3 հատ հատ

Մեղր - 1 ճաշի գդալ

 Բոլորս ենք հիանում գեղեցիկ իսպանուհու առավել գեղեցիկ վարսերով: Ահա և գաղտնիքը բացված է: Բոլոր բաղադրիչները խառնել իրար և քսել ինչպես մազարմատներին, այնպես էլ ողջ երկայնքով: Ծածկել պոլիէթիլենային տոպրակով և թողնել 1 ժամ:

Ամրացնող դիմակ Վիկտորիա Բեգհեմի կողմից

Մեղր - 1 ճաշի գդալ

Ալոեի հյութ - 1 ճաշի գդալ

Ձու - 1 դեղնուց

Սխտոր - 1 թեյի գդալ

 Այս ամենը լավ խառնել իրար և քսել մազարմատներին: Թողնել 15-20 րոպե և շվանալ:

Փայլ հաղորդող դիմակ Ջենիֆեր Լոպեսի կողմից

Մուգ գարեջուր - 1 բաժակ

Մեղր - 1 թեյի գդալ

Զեյթունի ձեթ - 1/2 թեյի գդալ

Այս ամենը պետք է քսել նոր լվացած, թաց մազերին և թողնել 20 րոպե: Որից հետո լվանալ միայն ջրով:

Մայոնեզով դիմակ մազերի համար

   

Մայոնեզով դիմակները հիմնականում կիրառում են մազերի ամրացման և բուժման համար: Այն հիանալի համապատասխանում է վնասված և կոտրվող մազերի համար: Ցանակալի է, որպեսզի մայոնեզը պատրաստվի տան պայմաններում: Պատրաստի մայոնեզները պարունակում են հավելումներ, քիմիական միացություններ, որոնք այնքան էլ հարկավոր չեն: Սակայն եթե ժամանակ չունեք, ապա կարող եք գնել պատրաստի մայոնեզ:

Մայոնեզով դիմակը պետք է պահել 20-30 րոպե: Կրկնել շաբաթը 2 անգամ:

Մայոնեզ + բանան չոր մազերի համար

Բանան - 1 հատ

Մայոնեզ - 2-3 ճաշի գդալ

Զեյթունի ձեթ- 1 ճաշի գդալ

 Այս ամենը լավ խառնել իրար և քսել գլխին, թողնել 20-25 րոպե:

Մայոնեզ+բանան մազերի փայլի համար

Բանան - 1 հատ

Մայոնեզ - 3 ճաշի գդալ

Կռատուկի յուղ -1 ճաշի գդալ

Խառնել իրար մինչև ստացվի համասեռ զանգված և քսել մազերի ողջ երկայքնով: Գլուղը ծածկել պոլիէթիլենային տոպրակով և սրբիչով: Թողնել դիմակը 40-50 րոպե:

Սուրճով դիմակներ դեմքի համար

Բացի նրանից, որ սուրճը մեր առօրյա գլխավոր ու անփոխարինելի մասն է կազմում, նրա կարիքը զգում է նաև մեր դեմքը: Կներկայացնեմ ձեզ սուրճից պատրաստվող դիմակների մի քանի տեսակ, որոնք շատ օգտակար են ու արդյունավետ: Այն ավելի շուտ սկրաբի հատկություն ունի: Այս սկրաբը մաքրում է դեմքն ամբողջությամբ և սնուցում այն: Այն կարող են օգտագործել ցանկացած տեսակի մաշկ ունեցողները:

Բաղադրություն
Սև սուրճ - 1 թեյի գդալ
Մեղր - 1 թեյի գդալ

Այս երկու բաղադրիչները խառնել իրար և քսել դեմքին: Մատների օգնությամբ մերսել դեմքը 1-3 րոպե և 15-20 րոպե անց լվանալ: Սկրաբ-դիմակը դեմքը մաքրում է մահացած բջիջներից, վերացնում է կնճիռները և թարմ տեսք հաղորդում:

Սուրճով սկրաբ կնճիռների դեմ
Սուրճ սև - 2 ճաշի գդալ
Սև ալյուր - 1 ճաշի գդալ
Ձու - 1 դեղնուց

Եփել մաքսիմալ թունդ սուրճ (մոտավորապես 1/2 բաժակ) , սպասել, որպեսզի մի փոքր սառչի, ավելացնել սև ալյուր և ձվի դեղնուց: Այս ամենը լավ խառնել և քսել դեմքին ու վզի հատվածում: Թողնել 15-20 րոպե, ցանկալի է հորիզոնական դիրք ընդունել, այնուհետև լվանալ սկրաբը սառը ջրով:

Սկրաբ-դիմակ յուղոտ և կորյակներով (угри) մաշկի համար
Ընկույզ- 2 ճաշի գդալ
Սուրճ - 1 ճաշի գդալ
Զեյթունի կամ խախողի կորիզի յուղ - 1 թեյի գդալ

Ընկույզը քերել մանր քերիչով, պատրաստել սուրճի թանձրուկ և խառնել զեյթունի կամ խախողի կորիզի յուղի հետ (խաղողի կորիզի յուղը վաճառվում է դեղատներում): Ստացված զանգվածը քսել դեմքին և թողնել 15-20 րոպե: Լվանալ տաք ջրով:
Սուրճը մաքրում է ձեր դեմքը մահացած մաշկից, ընկույզը յուղի հետ հիանալի սնուցում , վերականգնում է մաշկի բջիջները:

.

Վերջ սև կետերին

Աղջիկներ ձեր ուշադրությանն եմ ներկայացնում մի դիմակ, որն իրոք հրաշքներ է գործում: Կարծում եմ բոլորի մոտ էլ կան այդ անցանկալի ու տհաճ ձև կետերը, հատկապես քթի շրջանում: Ես բացառություն չեմ կազմում և ահա թե ինչպես եմ հրաժարվում դրանցից:

Բաղադրություն
Ժելատին - 50 գրամ
Կաթ կամ ջուր - 2 թեյի գդալ
Ածուխ - 2 կոճակ

Նախքան այս դիմակը քսելը ես դեմքս գոլորշու վրա եմ պահում կամ քսում եմ լոգանքից հետո, երբ դեմքիս բոլոր ծակոտկեները համեմատաբար բաց են և դիմակն արդյունավետ կլինի: այս բոլոր բաղադրիչները խառնել իրար: և դնել միկրոալիքային վառարանի մեջ մի քանի վայրյկյան կամ սովորական վառարանի մեջ, որպեսզի ժելատինը լուծվի: Այնուհետև վրձինի օգնությամբ քսել այն վայրերում որտեղ կան այդ " սև դևերը" : Հիշեցնեմ որ հաստ շերտով պետք է քսել: Թողնել այնքան, մինչև չորանա: Չորանալուց հետո զգուշությամբ փորձեք պոկել այն, քանի որ այդ գործընթացը նման է նկարին: Դուք ինքներդ կզգաք տարբերությունը:

Կանաչ կավը 4 տարբերակով

Դեմքի դիմակ կանաչ կավով 
Այս կավով դիմակը վերացնում է կնճիռները, ձգում է մաշկը, փակում ծակոտկեները: Դրա համար մեզ շատ բան հարկավոր չէ ընդամենը 1 ճաշի գդալ կանաչ կավը ջրով բացել մինչև ստանա թթվասերի տեսք: Քսել դեմքին, թողնել 10 րոպե և լվանալ թաք ջրով:

Մազերի դիմակ կանաչ կավով
Այս կավով դիմակը մազերին ամրություն է հաղորդում, վերացնում է թեփը: Վերցնել կանաչ կավ, քանակությունը կախված մազերի երկարությունից և խտությունից, ավելացնել մեկ ձվի դեղնուց: Քսել մազարմատներին, թողնել 15 րոպե, ծածկել գլուխը պոլիէթիլենային տոպրակով:

Կանաչ կավը ոտքերի և ձեռքերի համար
1 ճաշի գդալ կանաչ կավը խառնել 1 լ ջրի մեջ: Այս լուծույթի մեջ պետք է մտցնել ոտքերն ու ձեռքերը: Այն փակում է առաջացած ճաքերը և փափկեցնում:

Լոգանք կանաչ կավով

150-200 գրամ կանաչ կավը լուծել լոգարանի մեջ, և պառկել 30 րոպե:

Դեմքի դիմակներ կանաչ կավից

Մաքրող դիմակ յուղոտ մաշկի համար

3 ճաշի գդալ կանաչ կավը խառնել 3 թեյի գդալ պնդուկի յուղի և 1 թեյի գդալ հանքային ջրի հետ: Լավ խառնել և դիմակը թողնել 20 րոպե, որից հետո լվանալ տաք ջրով: Հիշեցնեմ, որ բոլոր բաղադրիչները կարող եք գնել ցանկացած դեղատնից:

Մաքրող դիմակ նորմալ մաշկի համար

2 ճաշի գդալ կանաչ կավը խառնել 1 ճաշի գդալ հերկուլեսի ալյուրի հետ: Դիմակին ավելացնել 3-4 ճաշի գդալ ջուր, որպեսզի ստացվի համասեռ զանգված: Դիմակը դեմքին թողնել 15 րոպե, որից հետո լվանալ տաք ջրով:

Սպիտակ կավով դիմակ մազերի համար

Սպիտակ կավը հարուստ է միներալներով և բիոլոգիապես ակտիվ տարրերով: Այն կարելի է օգտագործել ինչպես դեմքի, այնպես էլ մազերի և գլխամաշկի համար: Սպիտակ կավը ավելի շուտ համապատասխանում է յուղոտ մազերի ունեցողներին: Այն սնուցում է և վերացնում թեփը, վերականգնում է մազերի կառուցվածքը և կանգնեցնում մազաթափությունը: Հաճախակի օգտագործումը մազերին ամրություն և առողջություն կհաղորդի: Բաղադրություն Սպիտակ կավ - 2 ճաշի գդալ Ձու - 1 դեղնուց 2 ճաշի գդալ սպիտակ կավին ավելացնել 2 ճաշի գդալ տաք ջուր, լավ խառնել և ավելացնել ձվի դեղնուց, մի քանի կաթիլ լիմոնի հյութ: Դիմակը քսել մաքուր, թաց մազերին, ծածկել պոլիէթիլենային տոպրակով: 20-30 րոպե անց լվանալ:

Մաքրող դիմակ սև կավով

     Ես արդեն ներկայացրել եմ կավի բոլոր տեսակների օգտակարությունները և հիմա կներկայացնեմ դիմակներ, որոնց բաղադրության մեջ գերակշռում է կավի ինչ-որ տեսակ: Ցանկանում եմ խոսել սև կավի մասին, որն իրոք հիանալի մաքրում է դեմքն ու վերացնում է սև անցանկալի կետերը: Ես օգտվում եմ հիմա սև կավից և իրոք արդյունքն ակնհայտ է:

Մեզ հարկավոր է ընդամենը 2 ճաշի գդալ սև կավ: Ավելացնում ենք 1 ճաշի գդալ սառը ջուր և լավ խառնում, որպեսզի ստացվի թթվասերի նման զանգված: Քսել դեմքին և թողնել 10-15 րոպե մինչև դիմակը չորանա: Լվանալ տաք ջրով: Դիմակը օգտագործել շաբաթական 2 անգամ:

Ես այս դիմակի մեջ ավելացնում եմ 2-5 կաթիլ զեյթունի կամ թուրինջի յուղ: 

Հրաշագործ Կավը

 

 Բնական կավի հրաշագործությունը հայտնի է դեռ վաղուց: Արդեն այդ ժամանակ կավն օգտագործել են ոչ միայն բժշկության մեջ, այլ նաև կոսմետիկ պրոցեդուրաների համար: Հին ժամանակների դեղագործները դրանից բազմաթիվ քսուկներ էին պատրաստում: Այն օգնում էր վերացնել բակտերիաները և մաքրել օրգանիզմը տոկսիններից: Բնության մեջ գոյություն ունեն կավի տարբեր տեսակներ: Դրանք միմիանցից տարբերվում են գույնով, որը վկայում է դրանց մեջ առկա միներալների մասին: Կավի բաղադրությունը կախված է դրա ծագման վայրից: Այն լինում է սպիտակ, կապույտ, կանաչ, կարմիր, դեղին, սև, մոխրագույն: Յուրաքանչյուր տեսակ օժտված է տարբեր հատկություններով: Բնական կավ կարելի է ձեռք բերել դեղատներից կամ կոսմետիկ խանութներից:

                                                                                          Սպիտակ կավ

Սպիտակ կավն ունի սպիտակ փոշու տեսք: Շոշափելիս այն յուղային է: Այս տեսակը ավելի հարմար է օգտագործել չոր և նորմալ մաշկ ունեցողները: Այն շատ լավ մաքրում և ձգում է մաշկը, փակում է բոլոր ծակոտկեները: Հարկավոր է իմանալ, որ այս տեսակը թեթևակի սպիտակացնում է մաշկը: Այն հիանալի անտիսեպտիկ հատկություն ունի:
                                                      

                                                      Մոխրագոյն կավ

Մոխրագույն կավը բերվում է ծովի խորքից: Ունի փափկացնող և սնուցող հատկություն: Հիանալի է չոր մաշկ ունեցողների համար:

                                                

                                                           Կանաչ կավ

                                                                                                                                          Կանաչ կավն իր գույնի համար պարտական է երկաթի օքսիդի                           պարունակությանը: Բոլորս գիտենք, որ երկաթը շատ անհրաժեշտ է մաշկին: Կանաչ կավը մեծ տարածում է գտել կոսմետոլոգիայում: Այն կարող է հանդիսանալ բազմաթիվ կոսմետիկ միջոցների հիմք, ինչպես նաև հանդես է գալիս դիմակների, կոմպրեսների տեսքով: Մեծ քանակությամբ միկրոէլեմենտների պարունակության շնորհիվ, այն թույլ է տալիս ապահովել մաշկի հիդրոբալանսը: Կանաչ կավը փափկացնում և մաքրում է մաշկը: Վերացնում է գրգռվածությունը, ունի չորացնող հատկություն:

                            

                                                           Կարմիր կավ

    Կարմիր գույնը այս կավը ստացել է երկաթի օքսիդի և պղնձի պարունակության շնորհիվ: Համապատասխանում է այն կանանց, ովքեր ունեն զգայուն, ալերգիկ մաշկ: Այս կավով պատրաստված դիմակը վերացնում է դեմքի մաշկի կարմրածությունը և գրգռվածությունը:
Այն նաև օգնում է հեռացնել դեմքի թեփոտվածությունը և քորը:

Դեղին կավ
Դեղին կավը պարունակում է շատ կալիում և երկաթ: Այն դեմքի մաշկը հարստացնում է թթվածնութվ: Այս կավը շատ լավ է յուղոտ մաշկ ունեցողների համար: Հիանալիորեն լավացնում է մաշկի գույնը:






Սև կավ
Սև կավը հարուստ է կվարցով, երկաթով, մագնեզիումով և կալցիումով: Այն հրաշալի ձևով մաքրում է դեմքի մաշկը: Այս կավը ներծծում է բակտերիաները, նեղացնում է մաշկի ծակոտկեները:

 Կապույտ կավ
Կապույտ կավի բաղադրության մեջ առկա են մինարալային աղեր և միկրոէլեմենտներ: Այս կավը շատ օգտագործում են յուղոտ մաշկ ունեցողները:

Կակաոյով և կաթնաշոռով մազերի դիմակ

Այս անգամ նույնպես ցանկանում եմ անդրադառնալ կակաոյով դիմակին, քանի որ իրոք դրանով պատրաստած ցանկացած դիմակ ուղղակի հրաշալի է մազերի համար:

Բաղադրություն

Կակաո - 2 ճաշի գդալ

Կաթնաշոռ - 0.5 տուփ

0.5 տուփ կաթնաշոռին ավելացնել 2 ճաշի գդալ կակաոն և ջրի օգնությամբ խառնել իրար մինչև ստացվի թթվասերի նման զանգված, կարելի է մի քիչ թույլ անել, որպեսզի հեշտ լինի քսելը: Այս հիանալի զանգվածը քսել մազարմատներին, այնուհետև ողջ երկարությամբ: Գլուխը ծածկել պոլիէթիլենային տոպրակով և սրբիչով: Թողնել 20 րոպե: Լվանալ տաք ջրով, ասեմ, որ այս դիմակը մի փոքր դժվարությամբ է անցնում, հետևաբար պետք է ուշադիր լինել: Կակաոն, ինչպես արդեն գիտեք, ստիպում է մազերին արագ աճել, իսկ կաթնաշոռը հարստացնում է մազարմատները կալցիումով: 

Դիմակ կնճիռների դեմ

   Մենք ժպտում ենք, բարկանում, փոխում ենք դեմքի արտահայտությունը, արտահայտում տարբեր էմոցիաներ և այս ամենը նպաստում է մեր դեմքին կնճիռների առաջացմանը: Ուստի պետք է պայքարել դրանց դեմ` փորձելով մինիմալի հասցնել դրաց առաջացումը: Ձեզ եմ ներկայացնում մի դիմակ, որը կարող են օգտագործել անգամ երիտասարդ աղջիկները, չէ որ մեր շատ սիրելի արևի պատճառով մենք կկոցում ենք մեր աչքերը, որի արդյունքում առաջանում են կնճիռներ:

Բաղադրություն
Ալյուր - 2 ճաշի գդալ
Մեղր - 1 ճաշի գդալ
Ձու - 1 ձվի սպիտակուց

Այս ամենը լավ խառնել իրար և քսել դեմքին հաստ շերտով: Ձվի սպիտակուցը հիանալի ձգում է մաշկը, արդյունքն ակնհայտ է: Թողնել դեմքին 20 րոպե, այդ ընթացքում հանգիստ պառկել և լսել հաճելի երաժշտություն: Այս պրոցեդուրան անել շաբաթը 2 անգամ:

Դեմքի դիմակ սպիների դեմ

  Բոլորս ունենք սպիներ անցանկալի կորյակներից հետո, և դրանք ցանկանում ենք ամեն կերպ կոծկել շպարի միջոցով: Ես ձեզ ներկայացնում եմ մի միջոց, որն իմ բնական կոսմետիկայի անփոխարինելին է: Դա մեղրով ու դարչինով դիմակն է: Եթե կարդացել եք իմ մնացած դիմակները մազերի, ապա կնկատեք, որ մեղրը միշտ կա ցանկացած դիմակի  մեջ: Այս բնական միջոցը պետք է միշտ յուրաքանչյուր աղջկա մոտ:

Բաղադրություն
Մեղր - 1 թեյի գդալ
Դարչին - 1 թեյի գդալ

Մեղրն ու դարչինը խառնել իրար, ստացվում է շոկոլադի գույնի մածուկ և քսել դեմքին` խուսափելով աչքերի և շրթունքների շրջակայքից: Դիմակը թողնել դեմքին 20 րոպե և լվանալ տաք ջրով: Կրկնել շաբաթը 2 անգամ:
Այս դիմակից հետո մաշկն այնքան հաճելի է դառնում, սպիտակում է և մանկան մաշկի նման փափկում: Օգտագործեք այս դիմակը և վստահեցնում եմ, որ արդյունքը ձեզ կգոհացնի:

Մազերը սնուցող դիմակ 2

        Յուղերը համարվում են մազերը խտացնող միջոցներից ամենահնագույնը: Տաք վիճակում գտնվող յուղը հիանալի սնուցում է գլխամաշկը, ինչպես նաև ներծծվում է մազերի մեջ, որից մազերը ձեռք են բերում առողջ տեսք, փայլ և ծավալ:
        Գոյություն ունեն յուղերով բազմաթիվ դիմակներ, որոնցից ամենաէֆեկտիվը կռատուկի, գերչակի, զեյթունի յուղերն են: Ամենապարզ յուղերով դիմակը հետևյալն է`
տաքացնել մոտավորապես կես բաժակ մեր նախընտրած յուղը և տաք վիճակում քսել մազարմատներին: Գլուխը ծածկել պոլիէթիլենային տոպրակով, սրբիչով և թողնել 1 ժամ և ավել, ավելի արդյունավետ կլինի քնել այդ դիմակը գլխին:
  Ստորև ներկայացնեմ մի փոքր բարդ դիմակ`

Զեյթունի ձեթ - 2 ճաշի գդալ
Կռատուկի ձեթ - 2 ճաշի գդալ
A և E վիտամիններ - 10 կաթիլ յուրաքանչյուրից
Խառնել իրար բոլոր բաղադրիչները և քսել մազերին: Ավելի էֆեկտիվ արդյունք ստանալու համար այս դիմակին խառնել եթերային յուղեր:

Մազերի արագ աճ տան պայմաններում 2

      

   Ես արդեն գրել եմ մազերը երկարացնող Մանանեխի դիմակի մասին, որն իրոք հրաշքներ է գործում: Այսօր ցանկանում եմ ներկայացնել մեկ այլ դիմակ, որն իր էությամբ շատ նման է Մանանեխի դիմակին: Մազերի արագ աճի համար նախատեսված դիմակների հիմնական բաղադրիչներն ունեն այրող, մռմռացնող հատկույթուն` բիբար, մանանեխ, սոխ, մեղր և այլն: Սրանցով պատրաստված դիմակներն առաջացնում են այրոց, որի արդյունքում արյունն արագորեն սկսում է սնուցել մազարմատները, բացում վաղուց քնած ծակոտկեները, սա էլ հենց ապահովում է արդյունքը:
   Օգտագործողներն ասում են, որ այս դիմակներն օգտագործելուց հետո առաջին 2 շաբաթվա ընթացքում մազերը սկսում են մի քիչ թափվել, բայց հետո տեղի է ունենում "հրաշք"` մազերն ամրանում են ու սկսում աճել: Բայց ասեմ, որ դա իդիվիդուալ է, նույն բանն ասվում էր մանանեխի դիմակի մասին, սակայն ինձ մոտ նման բան չի եղել: Ստորև ձեր ուշադրությանն եմ ներկայացնում կարմիր պղպեղի դիմակը:

Բաղադրություն
Կարմիր կծու աղացած պղպեղ - 1 ճաշի գդալ
Մեղր - 4 ճաշի գդալ
 

Մեղրը գոլորշու վրա փոքր ինչ տաքացնել, որպեսզի հեղուկ դառնա և խառնել 1 ճաշի գդալ կարմիր կծու պղպեղը: Լվացած, մաքուր գլխին քսել դիմակը, միայն մազարմատներին: Ծածկել պոլիէթիլենային տոպրակով, սրբիչով: Պահել գլխին 30-40 րոպե և լվանալ տաք ջրով: Դիմակը պետք է անել շաբաթական 2 անգամ և արդեն մեկ շաբաթից կարելի արդյունքը նկատել: Օգտագործողներն ասում են, որ 2 ամիս անց մազերը երկարում է 6սմ: Զգուշացեք, որպեսզի դիմակը աչքերին չընկնի, դա ձեզ, վստահեցնում եմ, դուր չի գա:

Մազերի դիմակ ձվով և կակաոյով

Բաղադրություն
Ձվի դեղնուց - 1 հատ
Կակաո - 1 ճաշի գդալ
Կեֆիր - 0.5 բաժակ

Այս բոլոր բաղադրիչները լավ խառնելուց հետո քսում եք մազարմատներին: Սկզբում դիմակի 1/3 մասը քսում եք արմատների և թողնում մի փոքր չորանա, նորից նույն ձև քսել մնացած դիմակի 1/3 մասը, թողնել նորից չորանա, վերջում քսել մնացածը և գլուխը ծածկել պոլիէթիլենային տոպրակով և թողնել 30-40 րոպե: Այս դիմակը հարկավոր է անել շաբաթական 2 անգամ, իսկ պրոցեդուրայի տևողությունն է 15-20 անգամ:

Դիմակը խտացնում է վարսերը, ձվի օգնությամբ ամրացնում մազարմատները, կակաոն երկարացնում է նրանց, իսկ կեֆիրը հարստացնում է կալցիումով, որն այնքան անհրաժեշտ է մեր վարսերին: Այնքան հեշտ է գեղեցիկ լինել...

Մազերը խտացնող դիմակ

Այս դիմակի հմքում ընկած է խոտաբույսերից պատրաստված թուրմ և խմորիչ:

Բաղադրություն
Խմորիչ - 1 ճաշի գդալ
Խոտաբույսերով թուրմ - 2 ճաշի գդալ
Կռատուկի կամ նուշի յուղ - 2 ճաշի գդալ

1 ճաշի գդալ խմորիչը խառնել 2 ճաշի գդալ ցանկացած տեսակի խոտաբույսերից (երիցուկ, թեյ, շալֆեյ, եղինջ և այլն) պատրաստված թուրմի հետ: Ստացված խառնուրդը 40 րոպե թողնել տաք վայրում, որպեսզի խմորիչը սկսի աշխատել: Որից հետո ավելացնել 2 ճաշի գդալ կռատուկի կամ նուշի յուղ և լավ խառնել: Քսել մազերին, ծածկել պոլիէթիլենային տոպրակով և թողնել 40-50 րոպե: Դիմակը պետք է օգտագործել շաբաթը 2-3 անգամ, պրոցեդուրայի տևողությունը` 10-12 անգամ: Լվանալուց հետո մազերը կարող եք ցայել նույն խոտաբույսերից պատրաստված թուրմով:

Դիմակ յուղոտ մազերի համար

    Այս դիմակը հիանալի օգնում է յուղոտ մազեր ունեցողներին: Խորհուրդ եմ տվել իմ ընկերուհիներին և իրոք նրանք հիացած են: Այն շատ հեշտ է:
Բաղադրություն
Կռատուկի յուղ - 2 ճաշի գդալ
Մեղր - 1 ճաշի գդալ
Կոնյակ - 1 ճաշի գդալ
Ձու (դեղնուց)- 1 հատ

Պատրաստման եղանակը
  Բոլոր բաղադրիչները խառնել իրար, մինչև ստացվի համասեռ զանգված: Այն սկզբում քսել մազարմատներին, իսկ հետո հավասարաչափ տարածել ողջ երկայնքով: Գլուխը ծածկել պոլիէթիլենային տոպրակով և սրբիչով: Դիմակը թոխնել 1-2 ժամ: Գլուխը լվանալ սովորական շամպունով: Դիմակը պետք է օգտագործել շաբաթական 2 անգամ, տևողությունը` 15-18 անգամ:

Խնայով դիմակ մազերի համար

   Կարծում եմ բոլորս էլ գիտենք "հրաշագոլծ խնայի" մասին: Ես միայն մի բան կասեմ, այն ինչը օգտագործում են հնդիկ և պարսիկ կանայք, վստահ եղեք, որ ամենալավն է ու օգտակարը:
Կներկայացնեմ Խնայով դիմակը, որն իմ մազերի միակ փրկիչն է:




Բաղադրություն
Խնա սովորական - 100 գր
Զեյթունի ձեթ - 2 ճաշի գդալ
Ձու - 2 հատ
Կակաո - 2 ճաշի գդալ

Պատրաստման եղանակը
   100գր խնային ավելացնել թեյի թունդ թուրմ, կարող եք սովորական եռացրած ջուր լցնել, թեյը մազերին հաճելի գույն և փայլ է հաղորդում: Այնուհետև մնացած բաղադրիչները: Կակաոն բացի ամրությունից նույնպես շոկոլադե երանգ է հաղորդում, ձուն ինչպես արդեն գիտենք ամրացնում է մազարմատները, իսկ զեյթունի ձեթը փափկացնում դրանք: Դիմակը նախ քսում ենք արմատներին, այնուհետև ողջ երկարությամբ, փաթաթում գլուխը պոլիէթիլենային տոպրակով և սրբիչով: Պահել 1 ժամ և ավել: Պրոցեդուրայի տևողությունը 1 ամիս, շաբաթական 1 անգամ:

Շոկոլադե դիմակ մազերի համար

Բաղադրությունը 
Կակաո - 2 ճաշի գդալ
Ձու- 2 հատ
Զեյթունի ձեթ - 2 ճաշի գդալ

Պատրաստման կարգը
2 ճաշի գդալ կակաոն տաք ջրով բացել մինչև թույլ շոկոլադ ստացվի, մազերի երկարությունից կախված կարող եք ավելացնել կակաոյի քանակը, այնուհետև ավելացնել զեյթունի ձեթը, կարող եք վերցնել ցանկացած յուղ` գերչակ, կռատուկ, արևածաղկի: Այնուհետև ավելացնել 2 ձվի դեղնուց ե լավ խառնել: Սկզբում քսեք դիմակն արմատներին, այնուհետև տարածեք մազերի ողջ երկայնքով: Մազերը ծածկեք պոլիէթիլենային տոպրակով և սրբիչով: Դիմակը պահել 1 ժամ և ավելի:
  Շոկոլադը նպաստում է մազերի արագ աճին, ձուն ամրացնում է մազարմատները, իսկ զեյթունի ձեթը հաղորդում է փայլ և փափկություն: Այս դիմակից հետո մազերը ստանում առողջ տեսք, շոկոլադե գույն և բուրում են հրաշալի: Պրոցեդուրայի տևողությունը 1 ամիս, շաբաթական 1-2 անգամ:

Ձվով դիմակների տեսակներ մազերի համար

     Ձվով դիմակների պատրաստման գաղտնիքները

    Ինչպես ցանկացած բաղադրատոմս, այնպես էլ ձվով բաղադրատոմսերն ունեն իրենց գաղտնիքները, չնայած, որ դրանք շատ հեշտ է պատրաստելը: Ահա և այդ գաղտնիքները`

• Ձուն պետք է լինի սենյակային ջերմաստիճանի, այդ իսկ պատճառով նախորոք հանեք այն սառնարանից
• Ձուն մնացած բաղադրիչների հետ խառնելուց օգտագործեք ձվի հարիչ, դրանով արագ և հեշտ է խառնվում:
• Ձվով պատրաստված դիմակներն անպայման պետք է քսել չոր մազերին, կարևոր չէ նրանք մաքուր են, թե ոչ: Եթե թաց մազերին քսեն, ապա դիմակը կսկսի հոսել:
• Ձվով դիմակները պետք է լվանալ գոլ ջրով, եթե տաք ջրով լվանաք, ապա ձուն կսկսի եփել:

Ձվի օգտակարությունը մաշկին

Եվ ձվի դեղնուցը, և սպիտակուցն օժտված են կոսմետիկ հատկությամբ: Ձուն պարունակում է ամինաթթուներ, որոնք վերացնում են թեփը: Ձվի դեղնուցը պարունակում է սնուցող տարրեր և վիտամիններ, որոնք այդքան անհրաժեշտ են մազերի աճին: Լետիցինը վերականգնում է կոտրատվող մազերը, որոնք զոհն են քիմիական ներկերի և ֆենի: Ձվի դեղնուցը հարուստ է նաև վիտամին B3-ով, որը խթանում է մազերի արագ աճին և հաղորդում է գեղեցիկ փայլ:

 Գոյություն ունի ձվով մազի դիմակների զանազան տեսակներ և բաղադրատոմսեր: Դրանք բավականաին հեշտ են և կան բոլորիս տանը: Ես կներկայացնեմ մի քանիսը`

 Ձու + կաթ = փափուկ, մետաքսյա վարսեր

Ձու + կիտրոնի հյութ = փայլ բաց գույնի վարսերին

Ձու + մեղր = մազերի սնուցում, արագ աճ

Ձու + մուգ շաքարավազ = փայլ մուգ գույնի վարսերին

Ձու + խնձորի քացախ = փայլ և փափկացում վարսերին

Ձու + մայոնեզ = մազերի սնուցում

Ձու + բանան = սնուցում բարակ վարսերին

Ձու + զեյթունի ձեթ = ճյուղավորված ու կոտրվող վարսերի համար

Ձու + կռատուկի ձեթ = մազերի ամրացում և արագ աճ

Ձու + զեյթունի ձեթ + կիտրոնի հյութ = ամուր և ուժեղ վարսեր

Ձու + գերչակի յուղ + կռատուկի ձեթ + կիտրոնի հյութ = թեփի և վնասված մազերի համար

Ձու + կոնյակ +  զեյթունի ձեթ = մազերի ամրացում

Մազերն ամրացնող դիմակ

Բաղադրություն
1 ձվի դեղնուց
1 ճաշի գդալ կոնյակ
2 ճաշի գդալ զեյթունի ձեթ
1 թեյի գդալ կիտրոնի հյութ
2 ճաշի գդալ մեղր
1 ճաշի գդալ գերչակի յուղ




Պատրաստման եղանակը

Զեյթունի ձեթը մարմանդ կրակի վրա մի քիչ տաքացնել, քանի որ տաք ժամանակ ուժեղանում է նրա հատկությունը, այնուհետև վերցնել կրակից, ավելացնել 1 ճաշի գդալ գերչակի յուղը, խառնել, որից հետո կոնյակը, մեղրը, կիտրոնի հյութը և վերջում ձվի դեղնուցը:

Դիմակը պետք է պահել 20-60րոպե: Գլուխը ծածկել պոլիէթիլենային տոպրակով և տաք սրբիչով:

Եթերային յուղեր

Թուրինջի եթերային յուղ

Օժտված է վերականգնողական հատկությամբ, սնուցում է մազարմատները, իսկ երկար օգտագործումից հետո վերացնում է թեփը, մաքրում է վարսերը վնասակար նյութերից, պայքարում է մազերի յուղոտության դեմ, բարձրացնում է իմունային համակարգը: Հարուստ է A,B,C,D,P վիտամիններով:

Բերգամոտի եթերային յուղ

Այս յուղը շատ նման է թուրինջի եթերային յուղին, այն իդեալական է յուղոտ վարսեր ունեցողների համար: Անտիսեպտիկ հատկություն ունի և գլխամաշկին քսելու ժամանակ կարող է 1-3 րոպե ծակծկել:

Գերանի եթերային յուղ

Վերականգնում է մահացած բջիջները, նպաստում է մազերի արագ աճին, պայքարում է մազերի յուղոտության դեմ: Գլխամաշկին քսելու ժամանակ կարող է 1-3 րոպե այրել:

 Մեխակի եթերային յուղ

Կարգավորում է նյութափոխանակությունը, լայնացնում է մկանները, խթանում է մազերի արագ աճին, վերացնում է հոգնածությունը:

Իլանգ-իլանգի եթերային յուղ

Հիանալի յուղ է ճյուղավորված, վնասված, թափվող վարսերի համար: Օգտակար է շերտավորվող եղունգների համար: Գլխամաշկին քսելու ժամանակ կարող է 1-3 րոպե ծակծկել:

Դարչինի եթերային յուղ

Բարձրացնում է տարբեր օրգանների և հյուսվածքների արյան շրջանառությունը, ունի տաքացնող հատկություն, արագացնում է մազերի աճը:

Կիտրոնի եթերային յուղ
Հակավիրուսային, հակաթեփային միջոց է, մազերին կենդանություն է հաղորդում:

Մելիսայի եթերայի յուղ
Բարձրացնում է մազերի տոնուսը, վերացնում է "կեղտոտ" տեսքը, թեփը, վերականգնում է շորթերի բնական գույնը, վերացնում է բորբոքվածությունը, անքնությունը:

"Чайное дерево" եթերային յուղ
Օգտագործվում է ցանկացած տեսակի ցանի, քորի, թեփի, մազաթափության դեմ: Կաթեցնել գորտնուկի վրա և լեկոպլաստով փակել, մի քանի շաբաթից այն կանհետանա:

Էվկալիպտի եթերային յուղ
Վերացնում է թեփը, դադարեցնում է մազաթափությունը:

Պաչուլիի եթերային յուղ
Սնուցում է մազերը, շատ լավ է յուղոտ մազերի համար, վերացնում է թեփը:

Սոճիի եթերային յուղ
Սա միշտ էկոլոգիապես մաքուր բույս է, քանի որ այն աճում է այնտեղ, որտեղ օդը միշտ մաքուր է: Այս անգին յուղն օգտագործվում է որպես բուժիչ և կոսմետիկ միջոց: Սնուցում է վարսերը, վերացնում է քորը, արագացնում է վարսերի աճը:

Ռոզմարինի եթերային յուղ
Այս յուղն ամենահրաշալի և անփոխարինելի յուղերից է արոմաթերապիայում: Անտիսեպտիկ, ցավազրկող, իմունիտետ բարձրացնող, մազերի արագ աճ ապահովող յուղը պետք է լինի յուրաքանչյուրի տանը: Շթանում է արյան արագ շրջանառությանը, բացում է գլխամաշկի ծակոտկեները, վերացնում է սպիները: